It-Twelid tal-Feddej – Wirja ta’ Presepji 2023

‘IT-TWELID TAL-FEDDEJ’ – WIRJA TA’ PRESEPJI 2023

L-Għaqda Wirjiet San Ġużepp Ħaddiem ser tkun qed terġa’ torganizza l-Wirja Annwali tal-Presepji, fiċ-Ċentru Parrokkjali San Ġużepp Ħaddiem, nru. 71, Triq Bwieraq, Birkirkara.

Fil-wirja ta’ din is-sena, li hija l-20 edizzjoni minn meta ttellgħet għall-ewwel darba lura fl-2003, ser ikun hemm esebiti ‘l fuq minn 100 presepju ta’ kull daqs u għamla, kif ukoll Bambini, dekorazzjonijiet u oġġetti oħra relatati mal-Milied. Fil-biċċa l-kbira tagħhom, l-oġġetti għall-wiri huma magħmulin bl-idejn mill-esebituri nfushom.

Il-Wirja ser titbierek mir-Rev. Dun Charlon Muscat, Kappillan tal-Parroċċa San Ġużepp Ħaddiem Birkirkara. Tkun miftuħa kuljum bejn il-Ġimgħa 8 ta’ Diċembru u l-Ħamis 28 ta’ Diċembru. Il-ħinijiet tal-ftuħ ikunu mid-9am sa 12pm u mill-4pm sat-8pm. Il-post huwa aċċessibbli għal kulħadd u d-dħul huwa kompletament mingħajr ħlas.

Aktar dettalji dwar din il-Wirja, kif ukoll dwar l-Għaqda Wirjiet, jistgħu jinkisbu minn fuq il-paġna tal-Għaqda fuq Facebook.